Оюутан танд

Манай сургууль үүсгэн байгуулагдсан цагаасаа хойш сургуулийнхаа захиргаанаас оюутнаа дэмжин оюутны хараат бус биеэ даах зөвлөл байгуулан өнөөг хүртэл дэмжин хамтран ажилласаар ирсэн билээ. ОУХНУС–ийн оюутны зөвлөл нь МУИС–ийн Оюутны холбоо, түүний удирдах зөвлөл Оюутан Конгрессд шууд хамаардаг

Бид МУИС–ийн ОУХНУС–д суралцаж буй нийт оюутнуудынхаа ашиг сонирхол, эрх үүргийг нэн тэргүүнд тавьж нэгж оюутан бүрийн дуу хоолой, санал хүсэлтийг сонсон олон талд үйл ажиллагаагаа, цаашид явуулах арга хэмжээнд тусгаж өгөн ажилладаг.

Тус зөвлөл нь бакалаврын зэрэгт суралцаж буй ангийн дарга нараас бүрдэн ажилладаг ба удирдлагаа өргөтгөсөн хурлаараа сонгодог. Мөн оюутнууд өөрсдийн чөлөөт цаг, мэдлэгийг дээшлүүлэх зорилготойгоор Дипломат,Cудлаач зэрэг сонирхлын клубуудыг байгуулан ажиллаж байна.

Оюутны зөвлөл нь суралцан эзэмшиж буй мэргэжил дээрээ тулгуурлаж,бусад оюутны байгууллага,клубууд-ээс онцлог бүхий үйл ажиллагаа,арга хэмжээнүүдийг зохион байнуулахыг эрмэлздэг бөгөөд гадаад харилцааны хүрээнд олон улсын оюутны холбоо,байгууллага болон мэргэжил нэг дотоодын их, дээд сургууль академитай хамтран олон талт арга хэмжээ зохион байгуулж ирсэн ба цаашид гадаадын их, дээд сургуулиудаас туршлага судлах хамтран ажиллах тал дээр зорилго тавин ажиллаж байна.

Оюутны зөвлөлийн дарга: У.Усгал

МУИС-ийн ОУХНУС-ийн Оюутны Зөвлөлийн үйл ажиллагаа

  • “Сургуулиа сурталчлах өдөрлөг” -1-р курсын оюунууддаа зориулсан
  • “Танилцах үдэшлэг”
  • “Монголын нууц товчоонд нэвтэрхүй” тэмцээн ба үндэсний өв соёлын өдөрлөг
  • “Сагсанбөмбөгийн САШТ”
  • “Богино өгүүллэг”-ийн бага уралдаан
  • “Дэлхийн түүхийг хэн сайн мэдэх вэ?”танин мэдэхүйн тэмцээн
  • Дипломат хувцасны өдөр
  • Сургуулийн нэрэмжит “Урлагийн бага наадам”
  • МУИС-ОУХНУС-ийн сурталчилгаанд зориулсан Видеоны уралдаан
MUN

Цахим хуудас: http://www.mongoliamun.com/

МУИС ОУХНУС-ийн Загвар НҮБ Клуб 2015 оноос амжилттай үйл ажиллагаагаа явуулж, хоёр дахь жилдээ дараалан сургууль, хамт олныхоо дэмжлэгтэйгээр Харвардын Дэлхийн НҮБ хуралдаанд эх орноо төлөөлөн оролцоод байгаа бөгөөд МУИС ОУХНУС сургуулиас жил бүр зохион байгуулдаг Загвар НҮБ Хуралдааны зохион байгуулах комиссоор 2015, 2016 онуудад амжилттай ажилласан билээ. Цаашдаа ч дараа дараагийн зохион байгуулагдах МУИС Загвар НҮБ хуралдаанд оролцон ажиллаж, хуримтлуулсан мэдлэг, дэлхийн шилдэг оюутнуудтай солилцсон туршлагаасаа хуваалцаж өөрсдийн хувь нэмрийг оруулах хүсэлтэй байдаг билээ.

Загвар НҮБ Клубийн зорилго :

  • Дэлхийн НҮБ-д оролцсон туршлагаасаа хуваалцаж эх орондоо загвар НҮБ хуралдааны чухлыг түгээн дэлгэрүүлэх,
  • Дэлхийн загвар НҮБ-д оролцож байгаа олон улсын оюутнуудтай туршлага солилцон дараа дараачийн хуралдаануудад илүү олон Монгол оюутан залуусыг хамруулах
  • Монгол дахь НҮБЗХ-г улам сайжруулах мөн дараа дараачийн олон улсын төвшний Мини НҮБ-д оролцох хүсэлтэй оюутан залуустай хамтарч ажиллах
  • Оюутан залуусын мэтгэлцэх чадвар,асуудлыг түргэн үр дүнтэй аргаар шийдвэрлэх чадваруудыг ахиулах мөн олон улсын асуудал, үйл явцын талаарх мэдлэгийн хүрээг дээшлүүлэх
  • Дипломат арга барил, судалгааны арга зүй, илтгэх чадваруудыг олон улсын түвшинд хѳгжүүлэх
  • Хурлын дипломат ажиллагаанд суралцах

Нэгдсэн Үндэстний Байгууллагын Загвар Хуралдаанд оролцсоноор яриа хэлэлцээр хийх, харилцаа холбоо тогтоох чадварт суралцаж, дэлхийн өнцөг булан бүрийн мэргэжил нэгтнүүдтэй хамтран шийдвэр гаргахын зэрэгцээ олон улсын өргөн хүрээний сэдвүүдээр хэлэлцүүлэг явуулах, мэдлэгээ зузаатгах боломжтой байдаг.

Олон улсын баг бүрэлдэхүүнүүдтэй чухал асуудлуудаар хамтарч ажиллах, чухал глобал асуудлуудын шийдлийг олж шийдвэр гаргах явцдаа төлөөлөгчид нь асар их туршлага олж авдаг билээ. Энэхүү хуралд оролцсоноор удирдах, зохион байгуулах, бүтээлч, хувь хүний чадваруудыг эзэмших ба өнөөгийн өсөн нэмэгдэж буй даяарчлалын эрин үед мэргэжлийн аль ч салбарт шаардлагатай чадварууд юм.

Орон орны нөхөрлөл, найрсаг харилцаа, хамтын ажиллагаа мөн соёл, үзэл бодлын нээлттэй байдал зэрэг нь ДНҮБЗХ-ны уур амьсгал болдог төдийгүй үүний гол зарчим, хурлыг зохион байгуулах гол зорилго билээ.

Клубийн уулзалт, үйл ажиллагаа

Нэг жилийн турш Клубийн гишүүд долоо хоног бүр уулзалт товлон дараагийн ДНҮБЗХ-нд бэлтгэл ажлаа явуулдаг билээ. Энэ хүрээнд гишүүдийн албан үүргийг товлож, тус тусын ажилд хуваарилж хуралдааны явцыг явуулдаг. Түүнчлэн жил бүрийн зохион байгуулагдах улс орноос хамаарч зардал өртөг ялгаатай байдаг учраас, клубийн гол хэлэлцэх асуудалд ордог.

 Загвар НҮБ хуралдааны бэлтгэл ажил

  • ДНҮБЗХ-ны хороонуудад хуваарилагдаж судалгаа хийх
  • Хурлын дэгтэй танилцах
  • Уулзалтаар хоорондоо мэтгэлцэж, асуудлын талаар ярилцах
  • Асуудлыг шийдвэрлэх арга зам хайх, улс бэрт ээлтэй шийдвэр олох
  • Тогтоолын төслийн загварыг бичих, танилцуулах, батлуулах
  • Social Venture Challenge- д оролцох хүсэлтэй гишүүдийн бэлтгэл ажил

Клубийн үйл ажиллагаа

  • Клубийг таниулах, сурталчлах,
  • Их сургуулиудын хүрээн дэх үйл ажиллагаанд идэвхтэй оролцох, сайн дурын ажилд оролцох
  • МУИС ОУХНУС Загвар НҮБ хуралдаанд ажиллах, туслах
  • Гишүүдийн мэтгэлцэх чадварыг дээшлүүлэх
  • ДНҮБЗХ-нд оролцсон тайлан гаргах

Санхүү, төсвийн үйл ажиллагаа

  • Спонсор хайх явцтай танилцах, хандив цуглуулах үйл ажиллагааг төлөвлөх
  • Төсвийг бүрдүүлэх үйл ажиллагаа зохион байгуулах
  • Гарах зардлыг төлөвлөх, хэлэлцэх

Клубийн чөлөөт үйл ажиллагаа

  • Багийн хѳгжлийн үйл ажиллагаа (аялал, зугаалга, сургалт, чѳлѳѳт цагаа хамт ѳнгѳрѳѳх ү.а-нууд орно)

Цаашид манай клуб дараа дараагийн НҮБ-ын загвар хуралдаанд орж өөрийн сургууль болон бусад их сургуулиудын дунд хуралдаанууд зохиох төлөвлөгөөтэй байгаа бөгөөд тэр тусмаа “Загвар НҮБ Монгол” гэсэн Монгол улсын хэмжээний загвар хуралдааныг зохион байгуулах төлөвлөгөө гаргаж байгаа бөгөөд хэрэгжүүлэх анхны үйл явцаа эхлээд байгаа билээ. Улсын хэмжээний хуралдаанд орон нутгийн оюутан залуусыг оролцуулж, орон нутагт байгаа оюутан залууст илүү ээлтэй боломжийг бий болгох зорилго тавьсан байгаа билээ. Зорилгодоо хүрэхийн тулд бид 7 хоног болгон тогтмол уулзаж өөрт томилогдсон сэдвүүдээр бие биендээ семинар тавьж үндсэн асуудлуудын тухай хэлэлцэж ба жинхэнэ НҮБ-ын загвар хуралдаанд орж байгаа мэт үг хэллэг ашиглан өөрсдийн жижиг хурлуудыг зохион байгуулж байгаа.

НҮБ-ын Загвар Хуралдааны Олимпийн товч танилцуулга:

  “НҮБ-ын Загвар Хуралдааны Олимп” гэгдэх энэ хурлыг АНУ-ын Харвардын их сургуулиас жил бүр зохион байгуулдаг, дэлхийн 80 гаруй их сургуулийн 2500 орчим оюутан оролцдог бөгөөд даяарчлал, дэлхий дахины эв санааны нэгдлийн бэлгэдэл болж анх 1992 онд Харвардын хэд хэдэн оюутнуудын санаачлагаар 100 орчим төлөөлөгчдийн хамтаар Польш улсын Миндзиздрое хотод зохиогдсоноор олон улсын НҮБЗХ-ны үндэс тавигдсан. Тус хурал нь жинхэнэ НҮБЗХ-ны орчинд туршлага хуримтлуулах сонирхолтой оюутнуудад боломж олгодог бөгөөд сүүлийн жилүүдэд олон улсын төвшинд цар хүрээгээ өргөжин тэлж олон улсын хамтын ажиллагаанд чиглэсэн өндөр төвшний дипломат мэтгэлцээн явуулдгаараа онцлог юм, энэхүү хуралд оролцогчид нь аль нэг улс орон, олон улсын байгууллага, эсвэл удирдагчдыг төлөөлж олон улсын тулгамдсан асуудлуудаар мэтгэлцээн явуулах зорилготой байдаг.

24 дэх удаагийн хурлыг Харвардын их сургууль, Солонгосын Ханкук Олон Улс Судлалын их сургуультай хамтран БНСУ-ын Сөүл хотноо 2015 оны 3-р сарын 16-20-ны өдрүүдэд зохион байгуулж уг хуралд анх удаа Монгол улс болон Монгол Улсын Их Сургуулийн оюутнуудын төлөөлөл Ж.Гэрэлчимэг (ОУХ 4-2) ахлагчтай МУИС ОУХНУС-н II-IV дамжааны нийт 15 оюутны баг бүрэлдэхүүн мөн багийн зөвлөх багшаар олон улсын харилцааны тэнхимийн багш Д.Оюунсүрэн ажиллаж, Норвеги улсыг төлөөлөн оролцож багагүй туршлага хуримтлуулж, англи хэлээр мэтгэлцэх дипломат ур чадварт суралцан, олон улсын төвшинд мэргэжил нэгт оюутан залуустай үзэл бодлоо хуваалцаж эх орноо сурталчлахын зэрэгцээ оюутан насны мартагдашгүй дурсамжтай мөчүүдийг хамтдаа өнгөрөөж байсан билээ.

25 дахь удаагийн хурлыг Харвардын их сургууль, Италийн Сапиенза их сургуультай хамтран Итали улсын Ром хотноо 2016 оны 3-р сарын 13-18-ны өдрүүдэд зохион байгуулж уг хуралд хоёр дахь удаа Монгол улс болон Монгол Улсын Их Сургуулийн оюутнуудын төлөөлөл Б.Дэлгэржаргал (ОУХ 4-2) ахлагчтай МУИС ОУХНУС-н II-IV дамжааны нийт 12 оюутны баг бүрэлдэхүүн Либерийн Бүгд Найрамдах улсыг амжилттай төлөөлөн оролцсон.

Харвардын Дэлхийн НҮБЗХ-ны салшгүй нэг хэсэг болох Social Venture Challenge хэмээх залуу оролцогчдын нийгэмд чиглэсэн бүтээлч санаануудыг тусгасан ашгийн бус Төслийн тэмцээн нь эрүүл мэнд, боловсрол, хүний эрх, технологи, ус хамгаалал болон бусад чиглэлээр бүтээлч шийдлүүдээ бодитоор хэрэгжүүлэх боломжийг олгодог тэмцээнтэй байдаг бөгөөд оролцож шалгарсан оюутнууд өөрсдийн төслийг эх орондоо хэрэгжүүлж мөн мөнгөн төсвийг гардуулж өгдөг билээ. Уг тэмцээнд МУИС ОУХНУС-н оюутнууд Ж.Гэрэлчимэг, Б.Дэлгэржаргал, Ж.Болор нар амжилттай оролцон тэргүүлж 2000 ам. Долларын хөрөнгөөр Монголын амьжиргааны төвшин доогуур орлоготой айл өрхийн оюутнуудад боловсролын зөвлөгөө, сургалт өгөх, тэтгэлэгт хамрагдах боломжийг нээн таниулах чиглэлээр төсөл хэрэгжүүлэхээр байгаа ба энэ жилийн хувьд Х.Мѳнхнаран, Г.Намуун, Б.Батчимэг нар ногоон ирээдүйг дэмжсэн мод тарих, дахивар боловсруулалтыг сайжруулах, залууст сургалт зөвлөгөө өгөх хѳтѳлбѳрѳѳр амжилттай ѳрсѳлдѳн оролцлоо.

МУИС-ийн ОУХНУС-ийн Нийтийн Удирдлагын хөтөлбөрөөр суралцаж буй 4-р курсын оюутнууд санаачлан “Мини Парламент” буюу “Мини УИХ” клубыг 2015 онд Нийтийн удирдлагын хөтөлбөрийн дэргэд байгуулсан.

“Мини Парламент”-ын анхдугаар чуулган 2015 оны 11-р сарын 26-нд “Улс тунхагласны баяр”-ын өдөр нээлтээ хийсэн. Мини Парламент клубын үйл ажиллагаа нь нийтийн удирдлагын чиглэлээр суралцаж буй

оюутнуудын дунд шинжлэх ухаанч зарчимд тулгуурласан судалгаа хийх, соёлтой мэтгэлцэх, мэтгэлцээний ур чадварыг хөгжүүлэх, мэдлэг туршлагаа нэмэгдүүлэх, оюутны бие даасан бүтээлч сэтгэлгээ,

чадавхийг хөгжүүлэх зорилготой.

Мини Парламент нь Монгол улсын УИХ-ын загвар хуралдаан бөгөөд УИХ-ын дарга, Дэд дарга, Тамгын газар, Ерөнхийлөгч, УИХ-ын гишүүд, Засгийн газрын гишүүдээс бүрддэг. Байнгын гишүүнчлэлтэй

26 оюутан, байнгын бус 100 гаруй оюутнууд тогтмол үйл ажиллагаанд оролцдог. “Мини Парламент” болон “Мини УИХ” нь Оюуны өмчийн газар бүртгэлтэй, хамгаалагдсан бараа үйлчилгээний тэмдэг юм.

МУИС-ийн оюутны албанаас санаачилсан оюутны клубуудын дундах төслийн уралдаанд оролцон шалгарч Баянгол дүүргийн хүүхдийн нэгдсэн 7-р төвд хэвтэн эмчлүүлж буй хүүхдүүдэд зориулан

номын сан байгуулах ажлыг 2016 оны хавар хийж байна.

Мэдээ, мэдээлэл
  • Жил бүр зохион байгууллагддаг Засгийн Газрын тэтгэлэг болон “Оюутан-цэрэг” хөтөлбөрийн тухай мэдээлэлийг тухай бүрт нь хүргэж, бүртгүүлж байх.
  • Оюутнуудад ажил мэргэжлийн чиг баримжаа олгох зөвлөгөөг хүргэх. Тухайлбал ажилд орох анкет хэрхэн бөглөх, ярилцлагад өөрийгээ хэрхэн бэлтгэх.
  • Цагийн ажлын байранд бүртгэх, зуучлах
  • Нийтийг хамарсан ажил болон нийгмийн тустай ажилд  өргөнөөр татан оролцуулах.
  • Оюутны хөдөлмөр эрхлэлтийг дэмжих төвийн хэрэгжүүлэх үйл ажиллагааны хүрээнд Залуучуудын хөдөлмөрийн төв биржтэй хамтран ажиллах,
  • Оюутан таныг өвлийн амралтаараа орон нутагтаа явж /УБ-аас  500 болон түүнээс дээш км-т оршдог аймгуудад / амарсан тохиолдолд   замын зардлын тал хувийг эргүүлэн олгодог. Уг зардлыг авахын тулд хоёр талын замын зардлын тийз засваргүй байх шаардлагатай.
  • 2014 оны 10-р сарын 23-ны өдөр Нийслэлийн хөдөлмөрийн газартай хамтран ажиллах гэрээ хийн “Оюутны хөдөлмөр эрхлэлтийг дэмжих төв” ажиллаж эхэллээ. Уг гэрээний хүрээнд:
  • “Оюутны хөдөлмөр эрхлэлт ба цагийн ажил” хөтөлбөрийг Нийслэлийн хөдөлмөрийн газраас 2014 оноос 53 их дээд сургууль, 27 коллеж, Мэргэжил сургалт үйлдвэрлэлийн төвүүд дээр “Оюутны хөдөлмөр эрхлэлтийг дэмжих” төвүүдийг байгуулан хөтөлбөрийг  хэрэгжүүлж эхэлж байна.  Уг хөтөлбөрийн гол зорилго нь “Оюутан залуучуудын хөдөлмөр эрхлэх боломжийг нэмэгдүүлэх, хөдөлмөрт бэлтгэх, ажлын байранд тогтвор суурьшилтай ажиллах, ажлын байраа хадгалах, дадлагажих, төгсөөд ажлын байраар хангагдахад зарцуулагдах хугацааг ойртуулах, ажил мэргэжлийн чиг баримжаа олгох, хичээлийн бус цагаараа ажил хөдөлмөр эрхлэх, хууль эрх зүйн орчныг бий болгох боломж нөхцлийг бүрдүүлэх”-д оршино.
  • Оюутны хөдөлмөр эрхлэлтийг дэмжих төвийн хэрэгжүүлэх үйл ажиллагаа нь:
  • Оюутнуудад ажил мэргэжлийн чиг баримжаа олгох зөвлөгөөг хүргэх. Тухайлбал ажилд орох анкет хэрхэн бөглөх, ярилцлагад өөрийгээ хэрхэн бэлтгэх.
  • Цагийн ажлын байранд бүртгэх, зуучлах
  • Нийтийг хамарсан ажил болон нийгмийн тустай ажилд  өргөнөөр татан оролцуулах явдал юм.
  • “Intro” Speaking ClubТанилцуулга“Intro” Англи хэлний ярианы клуб нь МУИС-ОУХНУСургуульд анх 2014 оны намар байгуулагдаж байсан ба ОУХНУС-ийн нийт клуб дундаас одоогоор хамгийн залуу клубийн тоонд ордог байгааЭрхэм зорилгоМанай клубын эрхэм зорилго нь оюутнуудын англи хэлний ярианы түвшинг дээшлүүлэх, тус хэлээр тухайлсан сэдвээр хоорондоо чөлөөтэй ойлголцоход нь туслахад оршино.Гишүүнчлэл“Intro” Speaking club нь одоогоор 14 гишүүнтэй бөгөөд нийт оюутнуудад нээлттэй.Үйл ажиллагаа-Долоо хоногт нэг өдөр 17:00 цагаас цуглан тухайн долоо хоногт сонгогдсон хоёр оюутан бусаддаа англи хэлээр сонирхолтой сэдвийн хүрээнд илтгэл тавина.-Тухайн илтгэлийн сэдвийн хүрээнд уулзалтын турш англи хэлээр хоорондоо чөлөөтэй ярилцах боломжтой.-Гурван долоо хоногт нэг удаа, аль нэг амралтын өдөр “гишүүн идэвхижүүлэх” үйл ажиллагаа явуулдаг.Клубийн ахлагч: Б.Намуун /МУИС-ОУХНУС II курсийн оюутан/